سید علی میری
سید علی میری کمدین معروف سینمای قبل اینقلاب سال ۱۳۱۸ رشت مین به دونیا بومو.
![](http://upload.wikimedia.org/wikipedia/commons/thumb/6/61/Mo11.jpg/220px-Mo11.jpg)
مدرک دیپلم دیشتی . سال ۱۳۴۰ کلاس آزاد هنرپیشگی «باربد» دورون فارغ التحصیل ببوسته و سال ۱۳۴۱ تئاتر مین مشغول به کار ببو و ویشتر جه ۵۰ تا نمایش مین هونرنمایی بوگوده . میری سینمایا جه سال ۱۳۴۳ و با بازی گودن در نقشان موختلف مین مثل «خشت و آینه», «زمزمه ی محبت» , «شیطان در می زند» , « دیوار شیشه ای» , «به دادم برس» و… آغاز بوگود.
علی میری با اونکه تنها ۱۴ سال جه خو عمرا عرصه ی سینما مین مشغول به کار بو با ا حال تا سال ۵۶ ، ۱۱۵ تا فیلم بازی بوگوده و تنها سال ۵۶ مین با هونرنمایی ۱۰ فیلم دورون بتانسته خندیا تماشاگران لب رو بینیشانه.
تمام فیلمانی که علی میری تا قبل اینقلاب اوشان مین نقش دیشتی فیلم فارسی بو . میری خو دوران بازیگری مین ایران دورون تنها فیلمان کمدیا بازی بوگوده . بعد اینقلاب ایرانا ترکا گوده و به لس آنجلس بوشو.
سید علی میری روز چهارشنبه ۱۲ اسفند ماه ۱۳۸۷ بر اثر بیماری قلبی تهران بیمارستان آبان مین بمرده و ۱۴ اسفند ماه بهشت زهرا قطعه ی هونرمندان مین دفنا بو. مرحوم میری چند ماه قبل خو موردن به اسرار خو زن به ایران بوموبو.
بیرون پیوندان[دچينواچين]